8th Pay Commission ને લઈને સરકારી કર્મચારીઓમાં ઉત્સાહ છે. 2026થી લાગૂ થવાની શક્યતા, જાણો પેનલના Terms of Referenceથી લઈ ફાઈનલ રિપોર્ટ અને પગારવધારાની તમામ વિગતો.
Aakriti
હાલના સમયમાં 8th Pay Commissionને લઈને એક પછી એક અપડેટ્સ આવી રહ્યાં છે, અને સરકારી કર્મચારીઓ માટે આ ખૂબ જ મહત્વપૂર્ણ સમાચાર છે. નોકરીમાં રહેલા અને નિવૃત્ત બંને પ્રકારના કર્મચારીઓ માટે પગાર વધારાની રાહ હવે ટૂંક સમયમાં પૂરી થઈ શકે છે.
સરકારી સ્તરે 8th Pay Commission માટે Terms of Reference (ToR) નક્કી કરવાની પ્રક્રિયા શરૂ થઈ ગઈ છે. સૂત્રો મુજબ, આગામી 2થી 3 અઠવાડિયામાં સરકાર આ પંચની રચના વિશે મોટી જાહેરાત કરી શકે છે. આ પેનલ તમામ મુદ્દાઓનો અભ્યાસ કરીને મધ્ય 2026 સુધીમાં પોતાનો ફાઈનલ રિપોર્ટ સરકારને સોંપી શકે છે.
મહત્વપૂર્ણ વાત એ છે કે આ રિપોર્ટ ભલે 2026માં આવે, પણ તેનો અમલ જાન્યુઆરી 2026થી જ થઈ શકે છે. એટલે કે કર્મચારીઓને બાકી મળતર એટલે કે એરિયર રકમ પણ ચૂકવાશે. ફિટમેન્ટ ફેક્ટરના આધારે નવો પગાર નક્કી કરવામાં આવશે.
ફિટમેન્ટ ફેક્ટર એ એક એવો ગુણોત્તર છે જેના આધારે જૂના બેઝિક પગારને નવા સ્ટ્રક્ચરમાં બદલવામાં આવે છે. 7th Pay Commissionમાં આ ફેક્ટર 2.57 હતો. જો કોઇ કર્મચારીનો જૂનો બેઝિક પગાર ₹10,000 હતો, તો 7મા પગાર પંચ પ્રમાણે તે ₹25,700 થયો હતો.
હવે 8th Pay Commission માટે અનેક અહેવાલોમાં ફિટમેન્ટ ફેક્ટર 1.92થી 2.86 સુધી હોવાની શક્યતા વ્યક્ત કરવામાં આવી છે. જો 2.86 નું ગુણોત્તર માનીએ તો જેમના હાલના પગાર ₹20,000 છે, તેમનો નવો પગાર ₹57,200 થઈ શકે છે.
આ પગાર પંચમાં કેન્દ્ર સરકાર, રાજ્ય સરકારો, પીએસયુ અને સંબંધિત અન્ય સંસ્થાઓના કર્મચારીઓને ફાયદો મળશે. પેનલનું મુખ્ય કાર્ય હશે દરેક વર્ગના કર્મચારીઓના હાલના પગાર ધોરણનો વિશ્લેષણ કરીને નવો અને યોગ્ય પગાર પેકેજ તૈયાર કરવું.
