Bajaj Housing Finance IPO: મુંબઈ, 16 સપ્ટેમ્બર – બજાજ હાઉસિંગ ફાઇનાન્સના IPOએ રોકાણકારોને મોટો ફાયદો કરાવ્યો છે. 16 સપ્ટેમ્બરના રોજ આ કંપનીએ શેરબજારમાં શાનદાર શરૂઆત કરી, જેમાં તેના શેર 114%ના પ્રીમિયમ પર લિસ્ટ થયા. IPOની ઇશ્યૂ કિંમત રૂ. 70 હતી, જ્યારે શેર રૂ. 150 પર લિસ્ટ થયા.
ગ્રે માર્કેટમાં મજબૂત ટ્રેન્ડ
બજાજ હાઉસિંગ ફાઇનાન્સના શેર લિસ્ટિંગ પહેલા જ ગ્રે માર્કેટમાં સારી સ્થિતિમાં હતા. 16 સપ્ટેમ્બરે સવારે આ શેર રૂ. 75ના Gray market premium સાથે ટ્રેડ થઈ રહ્યા હતા.
આ IPOને રોકાણકારો તરફથી જોરદાર પ્રતિસાદ મળ્યો હતો. કુલ 3.23 લાખ કરોડના Subscription સાથે, આ IPO 6,560 કરોડ રૂપિયાની કિંમત ધરાવતો હતો.
રોકાણકારોને સલાહ
વિશ્લેષકોનું માનવું છે કે બજાજ હાઉસિંગ ફાઇનાન્સનું બિઝનેસ મોડલ મજબૂત છે અને Housing Finance Sector માં સારું ભવિષ્ય છે. આનંદ રાઠીના નરેન્દ્ર સોલંકીએ કહ્યું કે જેમને આ શેર ફાળવવામાં આવ્યા છે, તેઓએ લાંબા ગાળાના લાભ માટે આ શેરને પકડી રાખવા જોઈએ.
RBIના નિયમોનું પાલન
આ IPO Reserve Bank of India (RBI)ના નિયમો અનુસાર કરવામાં આવ્યો હતો, જે મુજબ 2025 સુધીમાં નોન-બેંકિંગ ફાઇનાન્સ કંપનીઓને stock exchangeમાં લિસ્ટ થવું જરૂરી છે. આ IPOમાંથી મેળવેલા નાણાં કંપનીની મૂડી મજબૂત કરવા માટે વાપરાશે.
Bajaj Housing Finance કંપની વિશે
Bajaj Housing Finance 2015માં શરૂ થઈ હતી અને તે લોન, હોમ લોન, પ્રોપર્ટી લોન અને ડેવલપમેન્ટ લોન જેવી સેવાઓ પ્રદાન કરે છે.
રોકાણ કરતા પહેલા નાણાકીય સલાહકારની સલાહ લેવી જરૂરી છે, નહીં તો આર્થિક નુકસાન થઈ શકે છે.
