Platform Ticket Travelling Rule: જો કોઈ વ્યક્તિ પ્લેટફોર્મ ટિકિટ લઈને ટ્રેનમાં ચઢી જાય તો તે મુસાફરી કરી શકે છે કે નહીં, તે વિશે રેલવેના નિયમો શું કહે છે તે જાણીએ.
Gujjutak
Platform Ticket Travelling Rule: જો કોઈ વ્યક્તિ પ્લેટફોર્મ ટિકિટ લઈને ટ્રેનમાં ચઢી જાય તો તે મુસાફરી કરી શકે છે કે નહીં, તે વિશે રેલવેના નિયમો શું કહે છે તે જાણીએ.
ભારતીય રેલવે દ્વારા રોજને કરોડો મુસાફરો મુસાફરી કરે છે. રેલવેના નિયમો અનુસાર કોઈ પણ વ્યક્તિ ટિકિટ વગર મુસાફરી કરી શકતો નથી. જો કોઈ આ નિયમ તોડે છે, તો રેલવે તેને દંડ ફટકારતું હોય છે. એટલું જ નહીં, જો કોઈ વ્યક્તિ રેલવે સ્ટેશનના પ્લેટફોર્મ પર પણ જાય છે, તો તેને પ્લેટફોર્મ ટિકિટ લેવી જરૂરી છે.
તમે જોયું હશે કે જેઓ મુસાફરી નથી કરતા અને જો પ્લેટફોર્મ પર જવું હોય તો પ્લેટફોર્મ ટિકિટ લેવી ફરજીયાત હોય છે. પરંતુ લોકોના મનમાં આ પ્રશ્ન ઉઠે છે કે જો કોઈ પ્લેટફોર્મ ટિકિટ લઈને ટ્રેનમાં ચઢી જાય તો શું તે મુસાફરી કરી શકશે? શું TTE તેને વચ્ચે જ ઉતારી દેશે? ચાલો જાણીએ આ વિશે રેલવેના નિયમો શું કહે છે.
ભારતીય રેલવે દ્વારા મુસાફરી માટે અનેક નિયમો બનાવવામાં આવ્યા છે. જેનું પાલન ટ્રેનમાં મુસાફરી કરતા મુસાફરો માટે જરૂરી છે. જેમાં એક નિયમ પ્લેટફોર્મ ટિકિટ પર મુસાફરી અંગેનો છે. જો કોઈ મુસાફર તાકીદમાં છે અને તેની પાસે ટ્રેન ટિકિટ નથી, પરંતુ પ્લેટફોર્મ ટિકિટ છે, તો તે ટ્રેનમાં મુસાફરી કરી શકે છે.
ભારતીય રેલવેના નિયમ મુજબ, જો કોઈ પ્લેટફોર્મ ટિકિટ લઈને ટ્રેનમાં ચઢે છે, તો તેને તરત જ TTEને મળી અને ટિકિટ કટાવવી પડે છે. જો ટ્રેનમાં ખાલી સીટ હશે, તો TTE 250 રૂપિયા દંડ અને મુસાફરી ભાડું લઈ ટિકિટ આપે છે. જો ખાલી સીટ નહીં હોય, તો પણ TTE મુસાફરને ઉતારી શકતો નથી અને વ્યક્તિ મુસાફરી કરી શકાશે.
ઘણાં વખત જોવામાં આવ્યું છે કે લોકો ટ્રેન ટિકિટ બુક તો કરે છે, પણ કન્ફર્મ નથી થતી. જેઓ ઓનલાઇન ટિકિટ બુક કરે છે, તેઓની ટિકિટ કૅન્સલ થાય છે. પણ જેઓ પ્લેટફોર્મ પરથી ટિકિટ લે છે, તેવા લોકો વેટિંગ ટિકિટ લઈને જ ટ્રેનમાં ચઢી જાય છે. વેટિંગ ટિકિટ માટે ભારતીય રેલવેના નિયમો સ્પષ્ટ છે કે કોઈપણ મુસાફર વેટિંગ ટિકિટ પર મુસાફરી કરી શકતો નથી. જો TTE તમને આવી સ્થિતિમાં પકડે છે, તો તે તમને ટ્રેનમાંથી ઉતારી શકે છે.
