જર્મનીના ક્રિસમસ માર્કેટમાં કાર ચડાવાની ઘટના: 2ના મોત, 70થી વધુ ઘાયલ

Germany News: જર્મનીના મેગડેબર્ગ શહેરમાં શુક્રવારે (20 ડિસેમ્બર) એક હ્રદયદ્રાવક ઘટના બની, જ્યાં ક્રિસમસ માર્કેટમાં એક કાર પૂરપાટ ઝડપે ભીડમાં ઘૂસી ગઈ હતી. આ ઘટનામાં બે લોકોના મોત થયા છે, જેમાં એક બાળક પણ સામેલ છે, અને 70 લોકો ઈજાગ્રસ્ત થયા છે.

સાઉદી અરેબિયન ડોક્ટરની ધરપકડ

આ કારચાલક 50 વર્ષીય સાઉદી અરેબિયન ડોક્ટર હોવાનું માલૂમ પડ્યું છે. પોલીસે તાત્કાલિક તેની ધરપકડ કરી અને તેને અટકાયતમાં લીધો. પ્રાથમિક તપાસમાં આ ડોક્ટર છેલ્લા બે દાયકાથી જર્મનીમાં વસવાટ કરી રહ્યો હોવાનુ જાણવા મળ્યું છે.

વિસ્ફોટકની શંકા નકારી કાઢવામાં આવી

આ ઘટના બાદ વિસ્તારમાં અફરાતફરી મચી હતી. શરુઆતમાં કારમાં વિસ્ફોટક હોઈ શકે છે તેવી આશંકા થઈ હતી, પરંતુ તપાસમાં કોઈ વિસ્ફોટક ન મળતા રાહત મળી છે.

VIEWER DISCRETION

HORRIFIC FOOTAGE

Car plows through Christmas market in Germany.

Multiple injuries and fatalities.

Pray. pic.twitter.com/AHrsrJzWOH

— Laconic Mark (@Bacon_Ranch_) December 20, 2024

શહેર હવે સુરક્ષિત

સેક્સની-એન્હાલ્ટ રાજ્યના વડા રેનર હેસેલહોફે જણાવ્યું હતું કે, "આ એકમાત્ર ગુનેગાર છે, અને શહેર માટે હવે કોઈ ખતરો નથી."

સાઉદી અરેબિયાએ નિંદા કરી

સાઉદી અરેબિયાના શાસકોએ આ દુર્ઘટનાને નિંદનીય કરાવ્યું છે અને ઘાયલ લોકો માટે દુઃખ વ્યક્ત કર્યું છે.

જોકે, પોલીસ તપાસ ચાલુ

હાલમાં સ્થાનિક પ્રશાસન અને સુરક્ષા દળો આ ઘટનાની વિસ્તૃત તપાસ કરી રહ્યા છે. ઘાયલ લોકોને હોસ્પિટલમાં સારવાર માટે ખસેડવામાં આવ્યા છે, અને તેમના આરોગ્યની સ્થિતિ પર નજર રાખવામાં આવી રહી છે.

આ ઘટનાએ નાતાલના તહેવારની ખુશીઓમાં બાધા નાખી છે, અને લોકોમાં આઘાત સર્જ્યો છે.