Gandhinagar News: ગુજરાતમાં TET-TAT (ટેટ-ટાટ) પાસ ઉમેદવારો કાયમી શિક્ષક ભરતીની માંગ સાથે મેદાનમાં આવ્યા છે.
Aakriti
Gandhinagar News: ગુજરાતમાં TET-TAT (ટેટ-ટાટ) પાસ ઉમેદવારો કાયમી શિક્ષક ભરતીની માંગ સાથે મેદાનમાં આવ્યા છે. આજે મોટી સંખ્યામાં ઉમેદવારો ગાંધીનગર ખાતે મહાઆંદોલન માટે એકત્ર થયા હતા.
ઉમેદવારોનું આંદોલન પોલીસ અટકાયતમાં બદલાયું. ગાંધીનગરમાં ઉમટી પડેલા ઉમેદવારોને અટકાવવા માટે પોલીસ દોડી આવી અને ધરપકડ કરી.
ઉમેદવારોની મુખ્ય માંગ છે કે સરકાર કાયમી શિક્ષકોની ભરતી કરે. હાલ 11 માસના કરાર આધારિત જ્ઞાન સહાયક યોજના હેઠળ ભરતી કરવામાં આવી રહી છે, જેની સામે રાજ્યભરમાં ભારે વિરોધ છે.
આંદોલનમાં વઢગામના ધારાસભ્ય જીગ્નેશ મેવાણીએ હાજરી આપી. મેવાણીએ કહ્યું કે, "ગુજરાતમાં બેરોજગારીનો પ્રશ્ન ગંભીર છે. સરકાર ટેટ-ટાટ પાસ યુવાઓની યોગ્ય માંગણીઓને સાંભળતી નથી. જો સરકાર નહી માને તો આંદોલન વધારીને અમદાવાદમાં આક્રોશ રેલી કાઢીશું."
પંથકાશ્રમ એસ.ટી. ડેપો પાસે મોટી સંખ્યામાં ટેટ-ટાટ પાસ ઉમેદવારો ભેગા થઈને 'ગુજરાત સરકાર હાય હાય'ના નારા લગાવીને ઉગ્ર સૂત્રોચ્ચાર કર્યા.
આંદોલન દરમિયાન પોલીસ અને ઉમેદવારો વચ્ચે ઘર્ષણ સર્જાયું. જો કે, પોલીસ દ્વારા બળજબરીથી આંદોલનકારીઓને અટકાવવામાં આવ્યા, જેમાં ધારાસભ્ય જીગ્નેશ મેવાણી સહિતના કેટલાય લોકોની ધરપકડ કરવામાં આવી.
જ્યારે સરકાર તરફથી કોઈ સકારાત્મક જવાબ નથી મળ્યો, TET-TAT પાસ ઉમેદવારો સરકાર સામે પોતાની લડત જારી રાખવાની તૈયારીમાં છે.
ગુજરાતના ટેટ-ટાટ પાસ ઉમેદવારોની કાયમી ભરતીની માંગની આ લડત કેટલા દિવસ સુધી ચાલશે અને સરકાર કેવી રીતે પ્રતિસાદ આપશે, તે આવનારા દિવસોમાં જોવા જેવી બાબત છે.
