Upcoming IPOs: જો તમે ચૂંટણીના માહોલમાં IPO માર્કેટમાં નાણાંનું રોકાણ કરવાનું વિચારી રહ્યા છો, તો આવનાર અઠવાડિયું તમારા માટે ખૂબ ફાયદાકારક સાબિત થઈ શકે છે.
Gujjutak
IPOs Next Week: જો તમે ચૂંટણીના માહોલમાં IPO માર્કેટમાં નાણાંનું રોકાણ કરવાનું વિચારી રહ્યા છો, તો આવનાર અઠવાડિયું તમારા માટે ખૂબ ફાયદાકારક સાબિત થઈ શકે છે. આગામી સપ્તાહમાં ત્રણ કંપનીઓના IPO સબસ્ક્રિપ્શન માટે ખુલશે. જેમાંથી એક IPO, લોકસભા ચૂંટણી 2024ના પરિણામો એક દિવસ પહેલા જ ખુલશે.
આ ઉપરાંત, આ અઠવાડિયામાં 6 IPOનું લિસ્ટિંગ પણ થવાનું છે.
Kronox Lab Sciences IPO 3 જૂન 2024ના રોજ રોકાણકારો માટે ખુલશે. આ IPOનું કદ 130.15 કરોડ રૂપિયા છે અને તેમાં 5 જૂન સુધી નાણાં રોકી શકાય છે. કંપની આ IPO હેઠળ 95,70,000 શેર વેચશે અને પ્રાઇસ બેન્ડ 129-136 રૂપિયા નક્કી કરવામાં આવી છે.
Magenta Lifecare IPO 5 જૂન 2024ના રોજ ખુલશે અને 7 જૂન 2024ના રોજ બંધ થશે. આ SME કેટેગરીના IPOનું કદ 7 કરોડ રૂપિયા છે અને પ્રાઇસ બેન્ડ 35 રૂપિયા પ્રતિ શેર છે. આ IPOમાં ઓછામાં ઓછા 4,000 શેર ખરીદવા પડશે, જેના માટે 1.40 લાખ રૂપિયાનું રોકાણ કરવું પડશે.
જૂનના પ્રથમ સપ્તાહમાં ખૂલતા IPOની યાદીમાં ત્રીજું નામ Sattrix IPOનું છે. આ IPO 5 જૂન 2024થી 7 જૂન 2024 સુધી સબસ્ક્રિપ્શન માટે ખુલ્લો રહેશે. આ SME IPOનું કદ 21.78 કરોડ રૂપિયા છે અને પ્રાઇસ બેન્ડ 121 રૂપિયા છે. સેટ્રિક્સ ઇન્ફોર્મેશન સાયબર સિક્યુરિટી સેક્ટરમાં કામ કરે છે.
શેરબજાર અથવા IPO માર્કેટમાં કોઈપણ રોકાણ કરતા પહેલા તમારા બજાર નિષ્ણાતની સલાહ ચોક્કસ લો.
આIPOની માહિતી સાથે તમે યોગ્ય નિર્ણયો લઈ શકો છો અને આ અઠવાડિયે તમારા રોકાણમાં વધારા માટે આ મોકાનો લાભ ઉઠાવી શકો છો.
