મોરબી: મોરબી શહેરના સામાકાંઠા વિસ્તારમાં છેલ્લા આઠ વર્ષથી ફિલ્ટર પ્લાન્ટ બંધ હોવાને કારણે અશુદ્ધ પાણીનો વિતરણ થઈ રહ્યો છે, જેનાથી લોકોના આરોગ્યને ગંભીર ખતરો ઉભો થયો છે.
Aakriti
મોરબી શહેરમાં પીવાના પાણીની સપ્લાય મચ્છુ બે ડેમમાંથી કરવામાં આવે છે. આ પાણીની શુદ્ધિકરણની પ્રક્રિયા માટે જે પ્લાન્ટ છે, તે છેલ્લા આઠ વર્ષથી બંધ છે. નગરપાલિકા અને પંચાયત દ્વારા કોઇપણ પ્રકારના શુદ્ધિકરણ વગર સીધું ડેમનું પાણી લોકો સુધી પહોંચાડવામાં આવે છે.
નજરબાગ પાસે આવેલ પાણી પુરવઠા બોર્ડના ફિલ્ટર હાઉસમાં બે ફિલ્ટર પ્લાન્ટ બંધ છે. જવાબદાર અધિકારીઓની બેદરકારીને કારણે આ પ્લાન્ટ ફરી શરૂ કરવામાં આવ્યા નથી. આ કારણે મચ્છુ બે ડેમનું કાચું પાણી સીધું જ પાઇપલાઇન મારફતે ઘરો સુધી પહોંચાડવામાં આવે છે.
સિંચાઈ વિભાગના સૂત્રો અનુસાર, મોરબીમાં રોજનું 100 એમએલડી જેટલું પાણી ઉપાડવામાં આવે છે, જેમાંથી 10 એમએલડી પાણીklેરીનેશન અથવા ફટકડીનો ઉપયોગ કર્યા વગર વિતરણ થાય છે. આથી ચામડીના અને પાણીજન્ય રોગો ફાટી નીકળવાની શક્યતા વધી છે.
સ્થાનિક આગેવાનો દ્વારા બંધ ફિલ્ટર પ્લાન્ટને ફરી શરૂ કરવા માટે પ્રયત્નો કરવામાં આવ્યા છે, પરંતુ તેમને સંતોષકારક જવાબ મળ્યો નથી.
આઠ વર્ષથી અશુદ્ધ પાણીનું વિતરણ અને બંધ ફિલ્ટર પ્લાન્ટની પરિસ્થિતિને ધ્યાનમાં રાખીને, બેદરકાર અધિકારીઓ સામે આકરા પગલાં લેવાશે તેવી લોકોની માંગ છે.
ટેકનીકલ ખામી માટે એક બે દિવસ માટે અશુદ્ધ પાણીનો વિતરણ સમજી શકાય, પણ આઠ વર્ષથી આ સ્થિતિ છે, જે વધુ ગંભીર છે. આથી, જવાબદાર અધિકારીઓને એમની ફરજની યાદગીરી અપાવવા આકરા પગલાં લેવાની જરૂર છે.
Source: VTV Gujarati
