LPG Price Hike: ચૂંટણી પૂર્ણ થતા જ ગેસ સિલિન્ડરના ભાવમાં વધારો, જાણો કેટલો થયો વધારો

LPG Price Hike: પાંચ રાજ્યોમાં હમણાં જ ચૂંટણી પૂરી થઈ છે અને આજથી એટલે કે 1 ડિસેમ્બરથી લોકો મોંઘવારીની અસર અનુભવી રહ્યા છે. આ મહિનાની શરૂઆતથી કોમર્શિયલ એલપીજી સિલિન્ડરની કિંમતમાં રૂ.41નો વધારો થયો છે. આ વધારો 19 કિલોના કોમર્શિયલ ગેસ સિલિન્ડર પર લાગુ થશે. દિલ્હીમાં હવે અપડેટેડ કિંમત 1796.50 રૂપિયા છે.

નવી કિંમતો 1 ડિસેમ્બરથી અમલમાં છે, જે IOCLની વેબસાઇટ પર જોવામાં આવી છે. દિવાળી પહેલા 19 કિલોના કોમર્શિયલ ગેસ સિલિન્ડરની કિંમતમાં 103 રૂપિયાનો વધારો થયો હતો. 1 નવેમ્બરે દિલ્હીમાં તેની કિંમત 1833.00 રૂપિયા હતી. જો કે, 16 નવેમ્બરના રોજ, છટ તહેવાર નિમિત્તે, કિંમતમાં 50 રૂપિયાનો ઘટાડો કરવામાં આવ્યો હતો, જે તેને 1755.50 રૂપિયા પર લાવ્યો હતો. પરંતુ વર્ષના અંત પહેલા ભાવમાં ફરી 41 રૂપિયાનો વધારો થયો છે.

મુખ્ય શહેરોમાં કોમર્શિયલ ગેસ સિલિન્ડરની નવી કિંમતો આ પ્રમાણે છે:

• દિલ્હીમાં 19 કિલોના એલપીજી સિલિન્ડરની કિંમત 1755.50 રૂપિયાને બદલે 1796.50 રૂપિયા થશે.
• કોલકાતામાં કિંમત 1885.50 રૂપિયાથી વધીને 1908.00 રૂપિયા થઈ ગઈ છે.
• મુંબઈમાં તે 1728.00 રૂપિયાના બદલે 1749.00 રૂપિયામાં મળશે.
• ચેન્નાઈમાં હવે તેની કિંમત 1942.00 રૂપિયાને બદલે 1968.50 રૂપિયા છે.
• અમદાવાદમાં તે 1751 રૂપિયાથી વધીને 1795 રૂપિયા થઈ ગયો છે.

જ્યારે કોમર્શિયલ ગેસ સિલિન્ડરની કિંમતો બદલાઈ રહી છે, ત્યારે 14 કિગ્રા ઘરેલું ગેસ સિલિન્ડરની કિંમતો યથાવત છે. IOCL વેબસાઇટ અનુસાર, તે દિલ્હીમાં 903 રૂપિયા, કોલકાતામાં 929 રૂપિયા, મુંબઈમાં 902.50 રૂપિયા, અમદાવાદમાં 910 રૂપિયા અને ચેન્નાઈમાં 918.50 રૂપિયામાં ઉપલબ્ધ છે.