અમદાવાદ: ગુજરાત પોલીસ વિભાગમાં ફરજ બજાવતા કર્મચારીઓ માટે ખુશીની વાત સામે આવી છે. રાજ્ય પોલીસ વડા વિકાસ સહાય દ્વારા પોલીસ વિભાગના 105 સિનિયર કારકુનોને બઢતી આપી મુખ્ય કારકુન તરીકે નિમણૂકના આદેશ આપાયા છે.
આ સાથે જ તેમને નવા સ્થાને બદલીના આદેશ પણ આપવામાં આવ્યા છે. પોલીસ વિભાગમાં સમયસર બઢતી અને બદલીની પ્રક્રિયા થતી રહે તે માટે વિભાગીય કચેરી દ્વારા નિયમિત પ્રક્રિયા અમલમાં રાખવામાં આવે છે.
આ બઢતીના કારણે ઘણા કર્મચારીઓના મનોબળમાં વધારો થશે તેમજ કાર્યક્ષમતા પણ વધુ મજબૂત બનશે એવી આશા વ્યકત કરવામાં આવી રહી છે.
રાજ્યના વિવિધ પોલીસ મથકો અને વિભાગોમાં કામ કરતા આ 105 સિનિયર કારકુનોએ લાંબા સમયથી આપેલી સેવા અને કાર્યોના આધાર પર મુખ્ય કારકુન તરીકે બઢતી પ્રાપ્ત કરી છે.
રાજ્ય સરકાર દ્વારા પ્રશાસનિક સુધારાઓ અને ટ્રાન્સફર-પોસ્ટિંગની નીતિને અનુકૂળ રાખીને આ નિર્ણય લેવાયો છે.
