ગુજરાત રાજ્યમાં મે મહિના દરમિયાન પણ અનિયત માવઠું યથાવત છે. હવામાન વિભાગે આપેલ નવી આગાહી અનુસાર, આગામી દિવસોમાં રાજ્યના અનેક વિસ્તારોમાં વરસાદી માહોલ જોવા મળી શકે છે.
છેલ્લાં 24 કલાકમાં રાજ્યના 41 તાલુકાઓમાં છૂટાછવાયો વરસાદ નોંધાયો છે. મોટા ભાગે અડધો ઈંચથી પોણો ઈંચ સુધી વરસાદ પડ્યો છે, તો કેટલાક વિસ્તારોમાં મીલીમીટર મા વરસાદ નોંધાયો છે. નીચે વિસ્તારો મુજબ પડેલા વરસાદના આંકડા આપેલ છે:
હિંમતનગર, વિજયનગર, ભિલોડા, દસાડા, વઢવાણ, વિરપુર: પોણો ઈંચ
પ્રાંતિજ, બાવળા, પોશીના, મેઘરજ, ધોળકા, સાયલા, ઈડર: અડધો ઈંચ
વડોદરા: 9 મીમી
વિજાપુર, બેચરાજી, દેત્રોજ: 6 મીમી
હવામાન વિભાગના જણાવ્યા અનુસાર, અરબ સાગરમાં સર્જાયેલા ડિપ્રેશનમાં હવે નબળાઈ આવી છે, છતાં તેની અસર રૂપે રાજ્યના અનેક ભાગોમાં વરસાદ વરસી રહ્યો છે.
આ સાથે જ આગામી 7 દિવસ માટે છૂટાછવાયા વરસાદની શક્યતા રહેલી છે. ખાસ કરીને દક્ષિણ ગુજરાતમાં આવનારા 3 દિવસ દરમિયાન ભારે વરસાદની આગાહી કરવામાં આવી છે. સાથે જ કેટલાક વિસ્તારોમાં પવનની ઝડપ 50-60 કિમી પ્રતિ કલાક સુધી પહોંચી શકે છે.
27 મેના રોજ ખાસ કરીને નીચેના વિસ્તારોમાં ગાજવીજ સાથે વરસાદ પડી શકે છે:
દમણ, દીવ, દાદરા નગર હવેલી
દક્ષિણ ગુજરાત, સૌરાષ્ટ્ર, મધ્ય ગુજરાત
ઉત્તર ગુજરાત અને કચ્છમાં પણ છૂટાછવાયો વરસાદ
હવામાન વિભાગે ખેડૂતો અને નાગરિકોને સાવચેત રહેવા અને જરૂરી પગલાં લેવા સૂચન આપ્યું છે.