Heavy Rain In Gujarat: ગુજરાતમાં ચોમાસું ધીમે ધીમે આગેકૂચ કરી રહ્યું છે અને આગામી ત્રણ-ચાર દિવસમાં સમગ્ર રાજ્યમાં મેઘરાજાની કૃપા વરસવાની શક્યતા છે.
Aakriti
Heavy Rain In Gujarat: ગુજરાતમાં ચોમાસું ધીમે ધીમે આગેકૂચ કરી રહ્યું છે અને આગામી ત્રણ-ચાર દિવસમાં સમગ્ર રાજ્યમાં મેઘરાજાની કૃપા વરસવાની શક્યતા છે. આજે સવારે 6 વાગ્યાથી બપોરના 2 વાગ્યા સુધીમાં રાજ્યના 70 તાલુકામાં વરસાદ પડ્યો છે.
કચ્છના નખત્રાણામાં ભારે વરસાદ થયો છે. માત્ર દોઢ કલાકમાં જ ત્રણ ઇંચ વરસાદ વરસ્યો, જેને કારણે નખત્રાણાની બજારો નદી જેવા દ્રશ્યો સર્જાયા છે. શહેરમાં પાણી ભરાતા વાહનચાલકોને ભારે મુશ્કેલીનો સામનો કરવો પડ્યો હતો.
પોરબંદરમાં પણ ભારે વરસાદ વરસ્યો છે. બપોરના સમયે બગદર, ખાંભોદર, કિંદરખેડા, રામવાવ અને વિસાવાડા ગામોમાં ભારે પવન સાથે વરસાદ શરૂ થયો હતો, જેના કારણે વાડી-ખેતરો પાણીથી છલછલ થઈ ગયા છે.
ગુજરાતમાં આગામી દિવસોમાં પણ આ રીતે વરસાદની આગાહી છે, તેથી લોકોને તૈયાર રહેવા અને સાવચેત રહેવાની સલાહ આપવામાં આવે છે.
