ભારત તેની 80% થી વધુ ક્રૂડ ઓઇલની જરૂરિયાત માટે આયાત પર આધાર રાખે છે. ડોનાલ્ડ ટ્રમ્પની વાપસી પછી, અમેરિકન ક્રૂડ ઓઇલ ઉત્પાદન વધવાનું છે, જે બજારમાં વધુ પુરવઠાની આગાહી કરે છે.
ડોનાલ્ડ ટ્રમ્પના 20 જાન્યુઆરીએ શપથગ્રહણ પછી, વિશ્વભરમાં ઓઇલની કિંમતને લઈને અપેક્ષાઓ વધી ગઈ છે. ભારત, જે પોતાની જરૂરિયાતના મોટા ભાગનું તેલ આયાત કરે છે, તેનાથી ફાયદો મેળવી શકે છે. કેન્દ્રીય પેટ્રોલિયમ મંત્રી હરદીપસિંહ પુરીએ પણ આ સંજોગોમાં કિંમતમાં ઘટાડાના સંકેત આપ્યા છે.
પુરીએ જણાવ્યું હતું કે ટ્રમ્પના આગમન પછી અમેરિકામાં ઓઇલ ઉત્પાદન વધશે, જેનાથી આંતરરાષ્ટ્રીય બજારમાં કિંમતો પર અસર પડશે અને તેમાં ઘટાડો થઈ શકે છે. પુરીએ જણાવ્યું કે ભારતે હવે તેલ સપ્લાયર્સની સંખ્યા 27થી વધારીને 39 કરી દીધી છે અને વધુ તેલ આવવાનું છે.
અત્યાર સુધીના સંકેતો અનુસાર, અમેરિકાથી વધુ ક્રૂડ ઓઇલના આયાતના કારણે ભારતના પેટ્રોલ અને ડીઝલના ભાવમાં ઘટાડો થવાની શક્યતા છે. આ સાથે, ફુગાવામાં ઘટાડો થશે અને સામાન્ય જનતાને રાહત મળશે.
આ તમામ સંજોગોમાં, જો ક્રૂડ ઓઇલની કિંમતોમાં હજુ વધુ ઘટાડો થાય તો દેશ માટે ફાયદાકારક બની શકે છે.
donald Trump Minister Hardeep Puri Petrol And Diesel Price
