IND vs SA Final : વિશ્વના જાણીતા ક્રિકેટર ક્રિસ ગેઈલ અને પાકિસ્તાનના પૂર્વ કેપ્ટન વસીમ અકરમે ભારત અને દક્ષિણ આફ્રિકા વચ્ચે થનારી T20 વર્લ્ડ કપની ફાઈનલ અંગે ભવિષ્યવાણી કરી છે.
Gujjutak
IND vs SA Final : વિશ્વના જાણીતા ક્રિકેટર ક્રિસ ગેઈલ અને પાકિસ્તાનના પૂર્વ કેપ્ટન વસીમ અકરમે ભારત અને દક્ષિણ આફ્રિકા વચ્ચે થનારી T20 વર્લ્ડ કપની ફાઈનલ અંગે ભવિષ્યવાણી કરી છે.
ક્રિસ ગેઈલે કહ્યું, "આ ફાઈનલ માટે મારી આગાહી 50-50 છે. બંને ટીમો ખૂબ જ શક્તિશાળી છે. મારી ઈચ્છા છે કે આજે ક્રિકેટની જીત થાય." ગેઈલે સ્પષ્ટ નથી કહ્યું કે કઈ ટીમ જીતશે, પરંતુ તેમના આ જવાબથી ચાહકો ખૂબ ખુશ થયા છે.
વસીમ અકરમે ભારતીય ટીમ માટે 60% જીતની શક્યતા દર્શાવી છે, જ્યારે દક્ષિણ આફ્રિકાને 40% જીતની શક્યતા આપી છે. અકરમનું માનવું છે કે, "ભારત પાસે મહાન બેટ્સમેન, સારા સ્પિનર અને ફાસ્ટ બોલર્સ છે. રોહિત શર્મા શાનદાર ફોર્મમાં છે અને બુમરાહ એક સર્વશ્રેષ્ઠ બોલર છે. કુલદીપ યાદવ પણ મહત્વપૂર્ણ સાબિત થઈ શકે છે."
અકરમએ કહ્યું કે, "આ વર્લ્ડ કપમાં બંને ટીમોએ શાનદાર પ્રદર્શન કર્યું છે. કોઈ પણ ટીમ હારી નથી. જો કે, ફાઈનલમાં તે જ ટીમ જીતશે જેની બોલિંગ શ્રેષ્ઠ રહેશે."
ભારતે 2007માં પ્રથમ વખત T20 વર્લ્ડ કપનો ખિતાબ જીત્યો હતો. આ જીત મહેન્દ્ર સિંહ ધોનીની કપ્તાનીમાં મળી હતી. 2014માં ભારત ફરી ફાઈનલમાં પહોંચ્યું, પરંતુ તે વખતે જીતવામાં નિષ્ફળ રહ્યું.
ફાઈનલ મેચમાં કઈ ટીમ જીતશે તે અંગે કોઈ સ્પષ્ટતા નથી, પરંતુ બંને ટીમો શક્તિશાળી છે અને તેમના પ્રદર્શનને લઈને ખૂબ આશાવાદ છે.
