Maharashtra BJP Expel 40 Rebel Leader : મહારાષ્ટ્રમાં આગામી સમયમાં યોજાનારી વિધાનસભા ચૂંટણીને ધ્યાનમાં રાખીને ભારતીય જનતા પાર્ટી (ભાજપ)એ કડક પગલાં લેતા 40 બળવાખોર નેતાઓની હકાલપટ્ટી કરી છે.
Aakriti
મહારાષ્ટ્રમાં આગામી સમયમાં યોજાનારી વિધાનસભા ચૂંટણીને ધ્યાનમાં રાખીને ભારતીય જનતા પાર્ટી (ભાજપ)એ કડક પગલાં લેતા 40 બળવાખોર નેતાઓની હકાલપટ્ટી કરી છે. આ નિર્ણય પાર્ટી દ્વારા શિસ્તભંગના આરોપો હેઠળ લેવામાં આવ્યો છે, કારણ કે આ નેતાઓ 37 વિધાનસભા ક્ષેત્રોમાં પાર્ટી માટે પડકારરૂપ બન્યા હતા. મહાયુતિએ પોતાના મેનિફેસ્ટો જાહેર કર્યા બાદ આ કડક કાર્યવાહી કરી છે.
ભાજપ માટે આ બળવાખોરો કેટલીક બેઠકો પર જીતની દિશામાં મોટી અડચણ બની રહ્યા છે. ટિકિટ ન મળવાના કારણે કેટલાક નેતાઓએ આક્રોશ વ્યક્ત કર્યો છે, જેમાં બે પૂર્વ સાંસદો પણ સામેલ છે. નંદુરબારમાંથી હીના ગાવિત અને જલગાંવથી એ.ટી. પાટીલ પોત-પોતાના વિસ્તારોમાં મુશ્કેલીઓ ઉભી કરી રહ્યા છે. હીના ગાવિત, જે 2014 અને 2019માં નંદુરબારની સાંસદ રહી ચુકી છે, 2024માં કોંગ્રેસના ઉમેદવાર સામે હારી ગયા બાદ ધારાસભ્ય બનવા ઇચ્છુક હતા. ટિકિટ ન મળતાં તેઓએ અપક્ષ ઉમેદવાર તરીકે નામांकन દાખલ કર્યું.
એ.ટી. પાટીલ, જલગાંવ બેઠક પરથી ટિકિટની આશા રાખતા હતા, પણ પાર્ટી દ્વારા અન્યને ટિકિટ મળતાં તે નારાજ થઇ ગયા. તાજેતરમાં, ભાજપના બળવાખોરો મહારાષ્ટ્રમાં 30 જેટલી બેઠકો પર અપક્ષ તરીકે ચૂંટણી લડી રહ્યા છે, જે ભાજપ માટે ચિંતાનો વિષય બની ગયો છે.
