Lok Sabha Elections Results: લોકસભા ચૂંટણી 2024ના પરિણામો જાહેર થઈ ચૂક્યા છે. NDAએ 543 લોકસભા સીટોમાંથી 292 સીટો જીતી છે, જ્યારે ઈન્ડિયા ગઠબંધનને 233 સીટો મળી છે.
Aakriti
Lok Sabha Elections Results: લોકસભા ચૂંટણી 2024ના પરિણામો જાહેર થઈ ચૂક્યા છે. NDAએ 543 લોકસભા સીટોમાંથી 292 સીટો જીતી છે, જ્યારે ઈન્ડિયા ગઠબંધનને 233 સીટો મળી છે. અન્ય પક્ષોને 18 સીટો પ્રાપ્ત થઈ છે. આ પરિણામોથી સ્પષ્ટ છે કે NDA ફરીથી કેન્દ્રમાં સરકાર બનાવશે, પરંતુ ભાજપના 14 મંત્રીઓને પરાજયનો સામનો કરવો પડ્યો છે.
કેન્દ્રીય મંત્રી સ્મૃતિ ઈરાનીને અમેઠી લોકસભા સીટ પરથી હારવાનો વારો આવ્યો. કોંગ્રેસના કિશોરી લાલ શર્માએ તેમને 1,67,196 મતોના માર્જિનથી પરાજિત કર્યા. કિશોરી લાલ શર્માને 5,39,228 મત મળ્યા, જ્યારે સ્મૃતિ ઈરાનીને 3,72,032 મત મળ્યા.
ઉત્તર પ્રદેશની લખીમપુર ખીરી સીટ પરથી કેન્દ્રીય મંત્રી અજય મિશ્રા ટેનીને પણ હારનો સામનો કરવો પડ્યો. તેમને સમાજવાદી પાર્ટીના ઉત્કર્ષ વર્મા મધુરે 34,329 મતોના માર્જિનથી હરાવ્યા.
ઝારખંડની ખુંટી સીટ પરથી કેન્દ્રીય મંત્રી અર્જુન મુંડાને કોંગ્રેસના કાલીચરણ મુંડાએ 1,49,675 મતોના માર્જિનથી પરાજિત કર્યા.
કેરળની તિરુવનંતપુરમ સીટ પરથી કોંગ્રેસના શશિ થરૂરે કેન્દ્રીય મંત્રી રાજીવ ચંદ્રશેખરને 16,077 મતોના માર્જિનથી હરાવ્યા.
તમિલનાડુની નીલગિરી સીટ પરથી કેન્દ્રીય મંત્રી એલ. મુરુગનને ડીએમકેના એ. રાજાએ 2,40,585 મતોના માર્જિનથી હરાવ્યા.
કેન્દ્રીય મંત્રી આર.કે. સિંહ બિહારની આરા સીટ પરથી 59,808 મતોના માર્જિનથી હારી ગયા. તેમને CPI(M)ના સુદામા પ્રસાદે પરાજિત કર્યા.
કેન્દ્રીય મંત્રી વી. મુરલીધરન કેરળની અત્તિંગલ સીટ પરથી ત્રીજા સ્થાને રહ્યા. તેમને કોંગ્રેસના અદુર પ્રકાશે 16,672 મતોના માર્જિનથી હરાવ્યા.
કેન્દ્રીય મંત્રી નિશીથ પ્રામાણિક પશ્ચિમ બંગાળની કૂચ બિહાર સીટ પરથી 39,250 મતોના માર્જિનથી તૃણમૂલ કોંગ્રેસના જગદીશ ચંદ્ર બર્મા સામે હારી ગયા.
કેન્દ્રીય મંત્રી સાધ્વી નિરંજન જ્યોતિ ઉત્તર પ્રદેશની ફતેહપુર સીટ પરથી 33,199 મતોના માર્જિનથી હારી ગયા. તેમને સમાજવાદી પાર્ટીના નરેશ ચંદ્ર પટેલે પરાજિત કર્યા.
કેન્દ્રીય મંત્રી રાવસાહેબ દાનવે મહારાષ્ટ્રની જાલના સીટ પરથી 1,09,958 મતોના માર્જિનથી હારી ગયા. તેમને કોંગ્રેસના કલ્યાણ વૈજીનાથરાવ કાલેએ પરાજિત કર્યા.
કેન્દ્રીય મંત્રી કૈલાશ ચૌધરી રાજસ્થાનની બાડમેર સીટ પરથી 4,17,943 મતોના માર્જિનથી હારી ગયા.
કેન્દ્રીય મંત્રી કૌશલ કિશોર ઉત્તર પ્રદેશની મોહનલાલગંજ સીટ પરથી 70,292 મતોના માર્જિનથી હારી ગયા.
કેન્દ્રીય મંત્રી મહેન્દ્ર નાથ પાંડે ઉત્તર પ્રદેશની ચંદૌલી સીટ પરથી 21,565 મતોના માર્જિનથી હારી ગયા.
કેન્દ્રીય મંત્રી ભાનુ પ્રતાપ વર્મા ઉત્તર પ્રદેશની જાલૌન સીટ પરથી 53,898 મતોના માર્જિનથી હારી ગયા.
સુભાષ સરકાર પશ્ચિમ બંગાળની બાંકુરા સીટ પરથી 32,778 મતોના માર્જિનથી હારી ગયા.
કેન્દ્રીય મંત્રી સંજીવ બાલિયાન ઉત્તર પ્રદેશની મુઝફ્ફરનગર સીટ પરથી 24,672 મતોના માર્જિનથી હારી ગયા.
કેન્દ્રીય મંત્રી ભગવંત ઘુબા કર્ણાટકની બિદર સીટ પરથી 1,28,875 મતોના માર્જિનથી હારી ગયા.
કેન્દ્રીય મંત્રી કપિલ પાટીલ મહારાષ્ટ્રની ભિવંડી સીટ પરથી 66,121 મતોના માર્જિનથી હારી ગયા.
