New Tax Regime: NPS થી થશે મોટી ટેક્સ બચત, 50,000 થી વધુ રૂપિયાનો ફાયદો

જો તમે ઇન્કમ ટેક્સમાં બચત કરવા માગતા હો, તો નવી પેન્શન સિસ્ટમ (NPS) તમારા માટે અસરકારક સાબિત થઈ શકે છે. NPS દ્વારા તમે 50,000 રૂપિયાથી વધુનો ટેક્સ બચાવી શકો છો, અને આ લાભ New tax regimeમાં પણ ઉપલબ્ધ છે.

વર્તમાન ટેક્સ નિયમો હેઠળ, ઓલ્ડ રિજીમમાં 80C હેઠળ 1.5 લાખ રૂપિયાની બચતની સુવિધા મળે છે, જ્યારે NPSમાં નવું અને જુનું બંને ટેક્સ રિજીમમાં અલગ-અલગ છૂટ મળશે. નવું ટેક્સ રિજીમ પણ NPS હેઠળ છૂટ આપે છે, જેમાં ઇન્કમ ટેક્સની ધારા 80CCD(2) હેઠળ તમને ટેક્સ બચાવવાનો લાભ મળે છે.

નવું ટેક્સ રિજીમ મુજબ, NPSમાં તમે તમારી મૂળ પગારના 10 ટકાથી લઈને 14 ટકા સુધીના કોંટ્રીબ્યુશન પર ટેક્સ ફ્રી છૂટ મેળવી શકો છો. ઉદાહરણ તરીકે, જો કોઈ કર્મચારીની મૂળ પગાર રૂ. 1 લાખ પ્રતિ મહિનો છે, તો તેનો NPS કોંટ્રીબ્યુશન રૂ. 14,000 મહિને થઈ શકે છે. આ રીતે, તેની કુલ ઇન્કમ ટેક્સ બચત 50,000 રૂપિયા અથવા તેનાથી વધુ થઈ શકે છે.

ઉપરાંત, વધુ ટેક્સ બચત માટે ફિક્સ્ડ ડિપોઝિટની જગ્યાએ ડેટ ફંડમાં રોકાણ કરવાનો પણ વિચાર કરી શકાય છે. ફિક્સ્ડ ડિપોઝિટ પર પ્રત્યેક વર્ષમાં મળતા વ્યાજ પર ટેક્સ લાગે છે, જ્યારે ડેટ ફંડમાં રોકાણ કરેલ નાણાં પર ટેક્સ ફક્ત ત્યાં જ લાગે છે, જયારે તમે તે નાણાં ઉપાડો છો.