કેટલા ઉમેદવારોની બદલાઈ શારીરિક કસોટીની તારીખ, લોક રક્ષક ભરતી બોર્ડે મૂક્યું ફાઈનલ લિસ્ટ

ગુજરાત પોલીસ ભરતી બોર્ડ દ્વારા શારીરિક ક્ષમતા કસોટી 2025 માટેની તારીખોમાં ફેરફાર કરવામાં આવ્યા છે. આ ફેરફાર વિશેની માહિતી ઓનલાઈન વેબસાઇટ પર પ્રકાશિત કરવામાં આવી હતી. જો કે, જે ઉમેદવારોની તારીખ બદલવામાં આવી છે, તેમને જુના કોલ લેટર સાથે શારીરિક કસોટીમાં હાજર રહેવું પડશે.

આ સાથે, બોર્ડે સ્પષ્ટ કર્યું છે કે તારીખ બદલવા અંગેની તમામ અરજીઓ રદ કરવામાં આવી છે. ઉમેદવારોને તેમના કોલ લેટર પર દર્શાવેલી તારીખે કસોટી માટે હાજર રહેવું અનિવાર્ય છે. બાકી રહેલ ઉમેદવારોની નવી તારીખોની સૂચના ટૂંક સમયમાં જાહેર કરવામાં આવશે.

શારીરિક પરીક્ષા માટેનું આયોજન અમદાવાદના શાહીબાગ સ્થિત જે. ડી. નગરવાલા સ્ટેડિયમમાં કરવામાં આવ્યું હતું, જ્યાં વહેલી સવારથી જ ઉમેદવારોની હાજરી જોવા મળી. ઘણા ઉમેદવારો શારીરિક કસોટી પસાર કરતા જ, ભાવુક દ્રશ્યો સર્જાયા. મહિલાઓ અને તેમના પરિવારજનો માટે આ એક વિશેષ ખુશીની ક્ષણ બની.

તૈયારી માટે પૂરતો સમય મળ્યો

ઉમેદવારોને શારીરિક કસોટી માટે પૂરો સમય મળ્યો હતો, અને તેઓ છેલ્લાં 6-4 મહિનાથી સતત તૈયારી કરી રહ્યા છે. જોકે, શારીરિક કસોટી દરમિયાન ઉપયોગમાં લેવાતી ચિપના અભાવને કારણે, આ પ્રક્રિયામાં થોડો વિલંબ થયો હતો. છતાં, ઉમેદવારોની મહેનત અને સહનશીલતાને પરિણામરૂપે, ઘણી જ સકારાત્મક ભાવનાઓ જોવા મળી.