શહેરની વધુ એક ખાનગી હોસ્પિટલની બેદરકારી સામે આવી છે. 20 વર્ષની યુવતી, સપના પટોડીયાએ, ગાંધીગ્રામ પોલીસ મથકમાં અરજી કરી છે કે દુર્ઘટના બાદ તેના ડાબા પગની જગ્યાએ જમણા પગનું ઓપરેશન કરવામાં આવ્યું છે.
Aakriti
શહેરની વધુ એક ખાનગી હોસ્પિટલની બેદરકારી સામે આવી છે. 20 વર્ષની યુવતી, સપના પટોડીયાએ, ગાંધીગ્રામ પોલીસ મથકમાં અરજી કરી છે કે દુર્ઘટના બાદ તેના ડાબા પગની જગ્યાએ જમણા પગનું ઓપરેશન કરવામાં આવ્યું છે.
સપના, જૂનાગઢના દોલતપરા વિસ્તારની નિવાસી છે. 10 વર્ષની ઉંમરે ટ્રક દુર્ઘટનામાં તેના ડાબા પગને સામાન્ય ઈજા થઈ હતી. તાજેતરમાં તે ડાબા પગના દુખાવા માટે રાજકોટના યુનિકેર હોસ્પિટલમાં ગયા હતા, જ્યાં ડાબા પગની જગ્યાએ જમણા પગનું ઓપરેશન કરવામાં આવ્યું હતું.
સપનાએ અન્ય ડોક્ટરને બતાવ્યા બાદ જમણા પગનું ઓપરેશનની વાત સામે આવી. હોસ્પિટલ દ્વારા પગમાં સિન્ડ્રોમ અને બંને પગના ઓપરેશનની જરૂરિયાત હોવાનું જણાવ્યું હતું.
ગાંધીગ્રામ પોલીસ મથકમાં હોસ્પિટલ વિરુદ્ધ ફરિયાદ નોંધાયા બાદ, હોસ્પિટલના એડમિનિસ્ટ્રેશનના વડા, કાર્તિક શેઠે, સ્પષ્ટતા આપી હતી કે દર્દી અને તેના સગાઓને ઓપરેશન પહેલાં તમામ માહિતી આપી હતી અને સહમતિ પત્ર પર સહી પણ લેવામાં આવી હતી.
હોસ્પિટલમાં બેદરકારીના આ કેસ બાદ અનેક સવાલો ઉભા થયા છે. ખાનગી હોસ્પિટલોમાં બેફામ ફી લઈને દર્દીઓને લૂંટવાના આક્ષેપ વચ્ચે, આ ગંભીર બેદરકારીનો કેસ હવે કાયદાકીય પ્રક્રિયા તરફ આગળ વધી રહ્યો છે.
હવે પોલીસે હોસ્પિટલ તંત્રના સત્તાધીશોનું નિવેદન લઈને આગળની કાર્યવાહી હાથ ધરવામાં આવી છે.
