Narendra Modi Oath Ceremony: વડાપ્રધાન નરેન્દ્ર મોદી 9 જૂનના રોજ તેમની કેબિનેટ સાથે શપથ લેશે. આ શપથ ગ્રહણ સમારોહ માટે દિલ્હીમાં કડક સુરક્ષા વ્યવસ્થા કરવામાં આવી છે.
Gujjutak
Narendra Modi Oath Ceremony: વડાપ્રધાન નરેન્દ્ર મોદી 9 જૂનના રોજ તેમની કેબિનેટ સાથે શપથ લેશે. આ શપથ ગ્રહણ સમારોહ માટે દિલ્હીમાં કડક સુરક્ષા વ્યવસ્થા કરવામાં આવી છે. રાષ્ટ્રપતિ ભવન ખાતે અભેદ્ય સુરક્ષા વ્યવસ્થા કરવામાં આવી છે.
દિલ્હી પોલીસે 9 અને 10 જૂન માટે રાજધાનીમાં નૉ-ફ્લાય ઝોન જાહેર કર્યો છે. સમારોહની સુરક્ષામાં SPG, ITBP, દિલ્હી પોલીસ, ગુપ્તચર વિભાગ, અર્ધલશ્કરી દળો, NSG અને NDRFની ટીમો હાજર રહેશે.
કેન્દ્રીય ગૃહ મંત્રાલય, પ્રેસિડેન્ટ હાઉસ સિક્યોરિટી, દિલ્હી પોલીસ, SPG, NSG, IB અને અર્ધલશ્કરી દળોના અધિકારીઓની બેઠકમાં સુરક્ષા વ્યવસ્થાને લઈને ચર્ચા કરવામાં આવી હતી.
ઉંચી ઈમારતો પર એન્ટી ડ્રોન સિસ્ટમ અને સ્નાઈપર્સ તૈનાત રહેશે. NSGની મદદથી DRDO પણ એન્ટી ડ્રોન સિસ્ટમ પર નજર રાખશે. સુરક્ષા મજબૂત કરવા માટે ઈન્ટ્રુઝન વોર્નિંગ સિસ્ટમ અને ફેસ આઈડેન્ટિફિકેશન ટેક્નોલોજીનો ઉપયોગ થશે.
વિદેશી મહેમાનો માટે કડક સુરક્ષા વ્યવસ્થા કરવામાં આવી છે. G-20 સુરક્ષા માપદંડો અપનાવીને તેમની હોટેલથી રાષ્ટ્રપતિ ભવન સુધી કડક ટ્રાફિક અને સુરક્ષા વ્યવસ્થા કરવામાં આવશે.
વિદેશી મહેમાનો માટે વિદેશ મંત્રાલય અને ગુપ્તચર વિભાગના અધિકારીઓ પણ તૈનાત રહેશે, જેથી કોઈપણ મહેમાનને સમસ્યા ન થાય.
