'હિટમેન' શર્માના નામે આ બેમિસાલ રેકોર્ડ, ધોની અને કોહલીને પણ પાછળ છોડ્યા

Rohit Sharma Records, ICC T20 World Cup 2024: ભારતે T20 World cupમાં જબરદસ્ત શરૂઆત કરી છે. પ્રથમ જ મેચમાં ભારતીય ટીમે આયર્લેન્ડને 8 વિકેટથી હરાવ્યું. આ જીતમાં રોહિત શર્મા અને ઋષભ પંતની શાનદાર બેટિંગ તેમજ જસપ્રિત બુમરાહ, હાર્દિક પંડ્યા, અને અર્શદીપ સિંહની ઘાતક બોલિંગ મુખ્ય કારણ રહ્યા હતા.

માત્ર 97 રનનો ટાર્ગેટ

ન્યુયોર્કના Nassau County International Cricket Stadiumમાં રમાયેલી આ મેચમાં આયર્લેન્ડે ભારતને 97 રનનો ટાર્ગેટ આપ્યો, જે ભારતે 12.2 ઓવરમાં સરળતાથી હાંસલ કરી લીધો. ભારતે આ મેચમાં શાનદાર પ્રદર્શન કરતા હવે 9 જૂને પાકિસ્તાન સામે આ જ સ્થળે રમવાનું છે.

રોહિત શર્માની શાનદાર ઇનિંગ

રોહિત શર્માએ 37 બોલમાં 52 રન બનાવ્યા, જેમાં 3 સિક્સર અને 4 ફોર સામેલ છે. ઇનિંગ દરમિયાન તે રિટાયર્ડ હર્ટ થયો. ઋષભ પંત 36 રન સાથે અણનમ રહ્યો.

રેકોર્ડબુકમાં રોહિત શર્મા

રોહિતે આંતરરાષ્ટ્રીય ક્રિકેટમાં 600 સિક્સર ફટકારવાની સિદ્ધિ હાંસલ કરી છે. તેમણે ટેસ્ટમાં 84, વનડેમાં 323 અને T20માં 193 સિક્સર ફટકારી છે.
રોહિતે T20 વર્લ્ડ કપમાં 1000 રન પૂરા કર્યા છે.
હિતે સૌથી ઓછા બોલમાં 4000 T20 રન પૂરા કર્યા છે. તેમણે 2860 બોલમાં આ સિદ્ધિ હાંસલ કરી. વિરાટ કોહલીએ 2900 બોલમાં અને બાબર આઝમે 3079 બોલમાં આ માઈલસ્ટોન હાંસલ કરી હતી.