Delhi Paratha Girl - હવે 'વડાપાંઉ ગર્લ' ની જેમ 'પરાઠા ગર્લ' પણ સોશિયલ મીડિયા પર વાયરલ થઈ રહી છે. એક મહિલા, પૂઈ, પોતાના અનોખા પરાઠા બનાવવા અને પીરસવા માટે જાણીતી થઈ રહી છે.
Gujjutak
હવે 'વડાપાંઉ ગર્લ' ની જેમ 'પરાઠા ગર્લ' પણ સોશિયલ મીડિયા પર વાયરલ થઈ રહી છે. એક મહિલા, પૂઈ, પોતાના અનોખા પરાઠા બનાવવા અને પીરસવા માટે જાણીતી થઈ રહી છે. પૂઈ અને તેની બહેન દિલ્હીમાં એક સ્ટોલ પર પરાઠા અને જ્યૂસ વેચે છે. પૂઈનો પરાઠા બનાવવા અને પીરસવાનો અંદાજ બહુ વિશિષ્ટ છે, જેના કારણે લોકો ઓર્ડર માટે લાંબા સમય સુધી લાઈન લગાવીને ઉભા રહે છે.
પૂઈના વિડીયોમાં, તે કાગળ જેવી પાતળી રોટલી બનાવે છે, જે ક્યારેક કેળાના ટુકડાઓ સાથે હોય છે અને ક્યારેક ઈંડા પરાઠા બનાવે છે. પરોઠાને તે સુપર્બ રીતે સજાવીને પીરસે છે, જેમાં ક્રીમ અને વિવિધ સામગ્રીનો ઉપયોગ થાય છે. આ પરાઠા દરેકને આકર્ષિત કરે છે અને સ્ટોલ પર લાંબી લાઇનો લગાડે છે.
પૂઈના પરોઠા બનાવવાના આ અનોખા અંદાજના વિડીયો ઇન્સ્ટાગ્રામ પર ખૂબ ઝડપથી વાયરલ થયા છે. કેટલાક વપરાશકર્તાઓએ તેની ખાવાની કળા માટે પ્રશંસા કરી છે, તો બીજા કેટલાક તેને બિઝનેસ સ્ટ્રેટેજી માટે બિરદાવે છે. એક યુઝરે હલકી મજાકમાં કહ્યું કે, "મને તો પૂઈની સુંદરતામાં જ પ્રેમ થઈ ગયો."
પૂઈ અને ચંદ્રિકા ગેરા દિક્ષિત જેવી મહિલાઓએ સ્ટોલ લગાવીને ખાણી પીણીના વિક્રેતામાં નવા ધોરણો સ્થાપિત કર્યા છે. 'પરાઠા ગર્લ' અને 'વડાપાંઉ ગર્લ' જેવા લેબલ દ્વારા, તેઓએ માત્ર ગ્રાહકોનું ધ્યાન જ આકર્ષ્યું નથી, પરંતુ નવા બિઝનેસ મોડલને પણ પ્રોત્સાહન આપ્યું છે.
