ઉત્તરપ્રદેશમાં એક ગંભીર માર્ગ અકસ્માતનો વિડિઓ સોશિયલ મીડિયા પર ઝડપથી વાયરલ થઈ રહ્યો છે. રાયબરેલીમાં લગ્ન માટે શણગારેલી એક કાર પૂરપાટ ઝડપે આવી અને બે બાઇક સવારને જોરદાર ટક્કર મારી, જેના કારણે બંને યુવકો હવામાં ઉછળીને ઈ-રિક્ષા સાથે અથડાયા.
વિડિઓમાં જોવા મળ્યું ભયાનક દ્રશ્ય
મળતી માહિતી મુજબ, આ ઘટના રાયબરેલીના ઊંચાહાર વિસ્તારમાં બની હતી. વરરાજાની ગાડી ફૂલોથી શણગારેલી હતી અને લગ્ન સમારંભ માટે જતી હતી. ડ્રાઈવરે મોડું થતાં ઝડપ વધારી હતી, જેના કારણે કારનું સંતુલન બગડ્યું અને બે બાઇક સવારોને ધડાકાભેર અથડાવી. ટક્કર એટલી ભયાનક હતી કે બંને યુવકો હવામાં ફંગોળાઈ ગયા અને નજીક ઊભેલી ઇ-રિક્ષા સાથે અથડાયા.
रायबरेली से आया ख़ौफ़नाक हादसे का वीडियो।#BREAKING #viralvideo #ViralVideos #raibareli #RoadAccident #RoadSafety #RanveerAllahabadia #OMFCN #Oscars #DOAS #aekfc #BeckyArmstrong #cepostaperte #Carnaval2025 #CDTV #carnaval #dora2025 #dwtsirl #daterush #enflasyon #FreenBecky… pic.twitter.com/E79AkIw41I
— SANJAY TRIPATHI (@sanjayjourno) March 3, 2025
પોલીસે શું પગલા લીધા?
વિડિઓ વાયરલ થતા મામલો પોલીસ સુધી પહોંચ્યો. પોલીસે તપાસ હાથ ધરી અને જાણ્યું કે બંને પક્ષો સ્થાનિક છે અને તેમના વચ્ચે સમજૂતી થઈ ગઈ છે. જેના કારણે કોઈ કાનૂની કાર્યવાહી કરવામાં આવી નથી.
લગ્ન માટે મોડું થતાં પુરપાટ ગાડી દોડાવી
પ્રાપ્ત વિગતો મુજબ, જમુનિયા હાર ગામના પુરે ગનીથી બારાત નીકળવાની હતી. વરરાજાની ગાડી માટે ડ્રાઈવર ફૂલસજાવટ કરવા બજારમાં આવ્યો હતો. મોડું થતાં તે ઝડપથી ગાડી ચલાવી રહ્યો હતો, જેનાથી કારનું નિયંત્રણ ગુમાવ્યું અને આ ગંભીર અકસ્માત સર્જાયો.
આ ઘટના એ સ્પષ્ટ સંકેત છે કે ગાડી સંભાળીને અને નિયંત્રણમાં ચલાવવી જોઈએ. ખાસ કરીને લગ્ન પ્રસંગમાં ઉત્સાહના કારણે બેદરકાર ગાડી ચલાવવી જોખમી સાબિત થઈ શકે છે.
સોશિયલ મીડિયામાં વાયરલ થયેલો આ વિડિઓ લોકોને માર્ગ સુરક્ષાના મહત્વ વિશે એક મહત્વનો સંદેશ આપે છે.
Breaking Viral Video Raibareli Road Accident Raibareli Road Accident News Uttarpradesh News Raebareli Video
