સોશિયલ મીડિયા પર એક વીડિયો ભારે વાયરલ થઈ રહ્યો છે, જેમાં વિશ્વપ્રસિદ્ધ એનિમેટેડ શો 'ધ સિમ્પસન્સ'ની ભવિષ્યવાણી દર્શાવાઈ છે. આ વિડિયોમાં દર્શાવાયું છે કે 16 જાન્યુઆરી 2025ના રોજ આખું વિશ્વ ઈન્ટરનેટ સેવાથી વંચિત થઈ જશે.
'ધ સિમ્પસન્સ' શો માટે જાણીતા એવા કાલ્પનિક ઘટનાઓનો સમાવેશ થતો હોય છે, જે ઘણીવાર ભવિષ્યમાં સાચી સાબિત થાય છે. સોશિયલ મીડિયા પર ફેલાયેલા આ વીડિયોમાં કહેવામાં આવ્યું છે કે સમુદ્રની અંદર એક વિશાળ શાર્ક ઈન્ટરનેટ કેબલને કાપી નાખે છે, જેના કારણે આખું વિશ્વ ઈન્ટરનેટથી દૂર થઈ જાય છે.
વાસ્તવિકતાથી કેટલો દૂર છે આ દાવો?
નિષ્ણાતોનું માનવું છે કે આ વીડિયો માત્ર કાંટછાંટ કરેલો છે. 'ધ સિમ્પસન્સ'ના સત્તાવાર કોઈપણ એપિસોડમાં આવી કોઈ ઘટનાઓ દર્શાવવામાં આવી નથી.
આ વીડિયો ડ્રામેટિક દ્રશ્યોના કારણે ખૂબ વાયરલ થયો છે, જેમાં એક ખોટી ઘટમાળ દર્શાવાઈ છે. વાસ્તવમાં, ડોનાલ્ડ ટ્રમ્પના શપથ વિધિ સાથે કોઈ પણ પ્રકારની જોડાણની વાત ફક્ત ચકમો છે, કારણ કે તેમનો શપથ ગ્રહણ 20 જાન્યુઆરી 2025ના રોજ છે.
ફેક્ટ ચેક અને નિષ્ણાતોની સૂચના
ફેક્ટ ચેક કરતી સંસ્થાઓએ આ વીડિયોને ફેક ઘોષિત કર્યો છે અને જણાવી છે કે 'ધ સિમ્પસન્સ' શોએ ક્યારેય એવી કોઈ આગાહી કરી નથી.
આ કારણથી સોશિયલ મીડિયા પર વાયરલ થયેલા આ વિડિયોને ધ્યાનમાં લેવા જેવું નથી.
આખરે શું સત્ય છે?
જેમ કે 'ધ સિમ્પસન્સ'ના કેટલાક સત્તાવાર દ્રશ્યો હકીકતમાં પાછળથી સાચા સાબિત થયા છે, તેવું આ વખતે નથી.
તેથી, એવું માનવું કે 16 જાન્યુઆરીએ ઈન્ટરનેટ સંપૂર્ણપણે ઠપ્પ થઈ જશે, ફક્ત એક ખોટી અફવા છે.
તમામ વાચકોને સૂચના આપવામાં આવે છે કે તેઓ સત્ય જાણવા માટે ઓથેન્ટિક સોર્સ પર ભરોસો રાખે અને વાયરલ વિડિયોમાં દર્શાવાયેલ ખોટી માહિતીથી દુર રહે.
